توقع البعض انى عندما اتفاعل مع الشأن الوحداوى بمقال من هنا ومشاركة من هناك انى أخطط لتولى امراً ما فى النادى ما علموا ان الكرة هاليومين هدف لاصحاب المال والاستثمار وأنا بعيد عن المحيط هذا بكثير وانا انسان مستور ولله الحمد راتبى أصرفه على عائلتى وأقتطع جزء منه بسيط جداً من اجل بطاقة الجمعية العمومية لنادى مساهمة بسيطة وفى نفس الوقت أخرس الالسن اللى تقول( انت لمن تقول عميد تخوفنى ) والا بعض الالسن الزفرة اللى همها السمسرة فى النادى والاستفادة من مكتسباته.
طلع تشكيل المجلس التنفيذى وقالوا الاحبة فينك يامحمد جننتنا النادى الرمز لمكة والكيان الوحداوى قلت ياجماعة الخير هذولا صورة ديكور للعراب والدليل عدم وجود حاتم عبد السلام ومحمد غزالى يمانى والصبان وناس قضوا جل اعمارهم فى خدمة الوحدة لذلك فلو فرضاً عرضوا علىً ما رائح اوافق .
وأستمر الحال كماهو أكتب هنا وأكتب هناك وأطلع الطائف وأجلس اسبوعين وأشارك من هناك بمشاركات فى المنتديات بعضها فيها تخبيصات وبعضها إيجابية بس حاول أكتب من أجل مقاومة التهميش اللى انا فيه .
تولى المجلس المكلف بقيادة الكعكى ارسلت له الرسائل الانترنتية ايحاء منى انا هنا وموجود والناس مطنشة ولا كأنى هنا فجأة اقترح الاستاذ الكعكى مجلس إستشارى وجلست جنب التلفون واراقب شاشة الجوال لعل وعسى أحضى بمكالمة كثفت دعمى للنادى وادارته بمقالات ومشاركات هنا وهناك والناس ولا كأنهم موجودين حاولت التوسع فى المنتديات لعل الصوت يوصل لصاحب القرار ويحط اسمى على الاقل فى الاستشارى وخسرت بلح الشام وعنب اليمن وجأتنى الاجابة كالتالى :
""انت لاتصلح تنفيذى ولا إستشارى خليك منتداوى وتخب عليك ""
لا تنفيذى ولا إستشارى قالوا خليك منتداوى !! وتخب عليك
العرض العادي
